KURSUN PROQRAMI

• Missiya

  • Mən inanıram ki, bir ekspert təkcə metodikası ilə yetərli ola bilməz: O , həm də balanslı, uğurlu və sağlam həyata da sahib olaraq enerjisi ilə də müştərini istədiyi nöqtəyə çatdırmaq potensialında olmalıdır. Buna görə də, sahəmdə diplomlarımla yetinmədən daima öz inkişaf yolumu da nümunə olaraq göstərirəm.
  • Mən artıq 3 ildən çoxdur hər ay xüsusi superviziyalardan keçib öz üzərimdə daima çalışıram. 4 ildir müştərilərimin nəticələri isə məni çox sevindirir!
  • Missiyam təkdir - maddi dünyada olduğumuzu unutmadan hərtərəfli inkişaf!

• Mənimlə hansı mövzularda çalışmaq olar?

  • Sağlam özgüvən - insanlar arasında 2.5 il öncə hələ heç bir nəticə vermədən minlərlə manat qazanmağa başlayan biri kimi tanınıram və bu artıq nəyə görə məhz özgüvənlə bağlı mənlə çalışan müştərilərin yüksək nəticələr əldə etdiyini göstərir. Digər tərəfdən isə, əlbəttə ki, öz sıfırdan qurulmuş şirkəti və komandası olan biri ilə əlaqəyə keçmək sizdə maraqlı bir enerji oyadacaqdır. İstifadə olunacaq texnikalar isə təcrübə və təhsilin verdiyi özgüvənlə sistemli şəkildə tətbiq olunacaqdır.
  • Sevgi münasibətlərində uğur - insan münasibətlərində uğursuz olan biri heç zaman pulda uğurlu ola bilməz deyə inanaraq, sessiyalarda mütləq dərindən bu məsələni də həll edirik.
  • Potensialını açmaq - mənə görə, insan potensialı bir sahə ilə limitləşdirilə bilməz, buna görə də sessiyalarda olan müştərilərlə öz həyatımda tətbiq etdiyim hərtərəfli strategiyanı tətbiq edirəm: sizin resurslarınızı artırıb maksimum hərtərəfli özünüzü kəşf edərək insanlar arasında fərqlənəcək şəkildə özünüzü dünyaya elan etmənizi təmin edirəm.
  • Əsil "mən"i kəşf etmək - uzun illər mən də özümü kəşf etməkdə və böyüməkdə çətinlik çəkmişəm, buna görə də insanları daha yaxşı anlaya bilirəm. Sizi asılı münasibətlərdən və başqalarının fikirlərindən tamamilə təmizləyərək öz əsil kimliyinizi və məqsədlərinizi tapmağa inamla yardım edirəm.
  • Hərtərəfli inkişaf - hərtərəfli inkişaf, xüsusilə də ilk öncə maddi durumdakı inkişafdan başlayaraq çox önəmlidir. Bu sürətli yüksəlişi təmin etmək üçün biz xüsusi texnikalarla sizin uşaqlığınız və yeniyetmə dövrünüzdən başlayaraq orada sizə həkk olunan amma indiki zamanda maneə olan bütün sxemlərdən qurtuluruq və tamamilə yenilənmiş şəkildə inkişaf planımızı qurmağa və xüsusi tapşırıqlarla tətbiq etməyə başlayırıq.
  • Pul ilə münasibət - özü o qədər də geniş imkanlı ailədə böyüməyən biri olaraq, 18 yaşımdan bəri pul ilə münasibət sxemlərimi düzəltmək üçün çalışmışam. Bunu daha da intensivləşdirdiyim anda, yəni, 2.5 il öncə uğurlu bir şəxsi biznes qurmuşam. İmkanların az olduğu durumdan imkanların geniş olduğu duruma keçənə qədər psixoloji karkası necə düzəltməli olduğunuzu sadəcə metodikamla deyil, bütün hisslərimlə anlaya bilirəm.
  • Enerji - artıq çoxlarınız bilir ki, mən super-enerjili bir insanam və bunu əldə etmək üçün davamlı enerjimlə çalışmalar edirəm. Bu isə heç bir mistik üsullarla əldə olunmur. Biz sadəcə sessiyalarda sizin 4 növ enerjinizlə çalışıb, bütün bu güclərinizi birləşdirəcək sxemlər qura bilirik.