İCTİMAİ MÜQAVİLƏ
xidmətlərin göstərilməsi üçün
ÜMUMİ MÜDDƏALAR
Bu sənəd, icraçı Bizz Academy Məhdud Məsuliyyətli Cəmiyyəti (VÖEN: 1007503181) tərəfindən, hazırkı ictimai müqavilənin şərtləri ilə razılaşan qeyri-məhdud sayda fiziki şəxslərlə (sifarişçilərlə) xidmətlərin göstərilməsi barədə müqavilənin bağlanması üçün rəsmi müqavilə hesab edilir.
1.1. Aşağıda qeyd olunan şərtlərin qəbul edilməsi halında, bu Müqaviləni qəbul edən fiziki şəxs, hazırkı Müqavilədə nəzərdə tutulmuş şərtlərə, qaydalara və müddətlərə uyğun olaraq, xidmətlərin ödənişini həyata keçirir və qəbul edir.
1.2. İcraçı bildirir ki, saytda qeydiyyat formasının doldurulması və sayta\ şirkət hesabına xidmətlərin ödənişinin həyata keçirilməsi hazırkı Müqavilənin tam və qeyd-şərtsiz qəbul edilməsi hesab olunur. Buna görə də, sifarişçiyə saytda (https://asyarustamli.com, bundan sonra - sayt) yerləşdirilmiş bu Müqavilənin (o cümlədən, zamanla edilən düzəlişlər) mətnini diqqətlə oxuması tövsiyə olunur və şərtlərlə razılaşmadığı təqdirdə sifarişçi müqaviləni qəbul etməməlidir.
1.3. Sifarişçi tərəfindən müqavilənin 1.2-ci bəndində göstərilən hərəkətlərin həyata keçirildiyi andan etibarən, sifarişçi ilə icraçı arasında müqavilə bağlanmış hesab edilir.
1.4. Müqavilə şərtlərinin qəbul edilməsi o deməkdir ki, sifarişçi xidmətlərin göstərilməsi və ödənişi şərtləri, həmçinin bu prosesin qaydaları ilə tanış olub və onlarla razılaşır. Eyni zamanda, o, müqavilədə nəzərdə tutulan Xidmətlərin Sifarişçiyə məcburi qaydada təqdim olunmadığını təsdiqləyir. Bundan əlavə, qəbul onu da bildirir ki, sifarişçi fəaliyyət qabiliyyətinə malik şəxsdir, öz hərəkətlərinin mahiyyətini anlayır və onlara sərbəst rəhbərlik edə bilir, yanılma, aldatma, zor tətbiqi və ya təhdid təsiri altında deyil və icraçı tərəfindən xidmətlərin ödənişi üçün təklif olunmuş ödəniş sistemini tam yararlı hesab edir.
1.5. İcraçı, sifarişçi ilə əvvəlcədən razılaşdırmadan, hazırkı müqavilənin şərtlərini və buna uyğun olaraq bu müqavilənin şərtlərini birtərəfli qaydada dəyişdirmək hüququnu özündə saxlayır. Dəyişikliklər, müqavilənin yeni redaksiyası yayımlandıqdan 5 (beş) təqvim günü sonra qüvvəyə minir. Bu səbəbdən, icraçı sifarişçiyə bu müqavilənin şərtlərində edilən dəyişikliklərə və/və ya əlavələrə dair məlumatları mütəmadi olaraq yoxlamağı tövsiyə edir. Müqavilənin qüvvədə olan redaksiyası daimi olaraq saytda yerləşdirilir.
1.6. Sifarişçi razılaşır ki, hazırkı müqaviləyə edilən dəyişikliklər və əlavələr, daha əvvəl təklifin qəbul edilməsi yolu ilə bağlanmış müqaviləyə də şamil olunur və həmin dəyişikliklər və əlavələr nəzərə alınmaqla müqavilənin qüvvədə qalmasını təmin edir.
1.7. Bu müqavilə - Təklifin iki tərəfli imzalanması tələb olunmur, sifarişçinin təklifi qəbul etdiyi andan bağlanmış hesab edilir və elektron formada hüquqi qüvvəyə malikdir.
1.8. Təklifin şərtlərini qəbul etməklə, sifarişçi onlarla tanış olduğunu, tam və qeyd-şərtsiz razılaşdığını və Təklifin mətnində göstərilən bütün şərtləri qəbul etdiyini təsdiq edir.
TƏRİFLƏR VƏ ANLAYIŞLAR
2.1. Hazırkı müqavilədə istifadə olunan aşağıdakı terminlər və anlayışlar aşağıdakı mənaları daşıyır:
2.1.1. İcraçı — Bizz Academy Məhdud Məsuliyyətli Cəmiyyəti (VÖEN: 1007503181), öz adından və ya səlahiyyətli şəxslər vasitəsilə saytın idarə edilməsini həyata keçirən şəxsdir. Ona, saytın, kontentin, informasiya məhsulunun bütün müstəsna əmlak hüquqları, eləcə də saytın domen və subdomen adlarından istifadə hüququ məxsusdur.
2.1.2. Sifarişçi — hüquq və fəaliyyət qabiliyyətinə malik olan istənilən fiziki şəxsdir; o, bu Təklifdə nəzərdə tutulmuş qaydada və şərtlərdə xidmətləri əldə etmək niyyətini ifadə edir və müvafiq olaraq Təklifi qəbul etmiş hesab edilir.
2.1.3. Sayt — internet şəbəkəsində unikal ünvanda (URL) yerləşən (https://asyarustamli.com) veb-sayt olub, internetdə dərc olunmaq üçün nəzərdə tutulmuş proqram-texniki vasitələrdən və məlumatlardan ibarət olan bir topludur. Sayta bütün internet istifadəçiləri sərbəst daxil ola bilər.
2.1.4. Təklif/Müqavilə — icraçı tərəfindən sifarişçi ilə xidmətlərin göstərilməsi barədə, bu Təklifdə yer alan şərtlər əsasında müqavilə bağlamaq üçün irəli sürülmüş ictimai təklifdir.
2.1.5. Qəbul — sifarişçinin bu Təklifin şərtlərini tam və qeyd-şərtsiz qəbul etməsidir. Təklifin qəbulu (icrası) aşağıdakı hərəkətlərin birgə yerinə yetirilməsini nəzərdə tutur: sifarişçinin Təklifin şərtləri ilə tanış olması; saytda qeydiyyat formasını doldurması; icraçının xidmətlərini tam və ya qismən ödəməsi.
2.1.6. Qeydiyyat forması — sifarişçinin xidmətləri əldə etmək məqsədilə icraçının saytında doldurduğu formadır.
2.1.7. Xidmətlər/Məhsul — icraçının göstərdiyi xidmətlər toplusu olub, sifarişçinin seçdiyi və ödənişini etdiyi tarif əsasında, onun seçib ödənişini etdiyi məhsula (xidmətə) ödənişli əsaslarla girişin təmin edilməsinə və tarifdə nəzərdə tutulan müddət və həcmdə əlaqənin təqdim olunmasına yönəlmişdir.
2.1.8. Tarif — icraçı tərəfindən xidmətlərin göstərilməsi üçün müəyyən olunmuş dəyərdir, bu barədə məlumat saytda müvafiq bölmədə yerləşdirilir.
2.1.9. Platforma — EHM (elektron hesablama maşını) üçün proqram olub, interaktiv rejimdə xidmətlərin satışını avtomatlaşdıran sistemdir.
2.1.10. Şəxsi kabinet — sifarişçinin platformada yerləşən fərdi bölməsidir; bu bölmə vasitəsilə sifarişçi xidmətlərin göstərilməsi üçün lazım olan funksionallıqdan istifadə edə bilər.
2.1.11. Vebinar — real vaxt (onlayn) rejimində yayımlanan onlayn dərsdir. Vebinara qoşulmaq üçün sifarişçi, şəxsi kabinetdə və ya Telegram platformanın müvafiq səhifəsində göstərilən tarix və saatda, müvafiq keçid vasitəsilə icraçının platformasına daxil olur. Sifarişçi vebinarda interaktiv qaydada iştirak edə, o cümlədən vebinar formatına uyğun olduğu halda, real vaxt rejimində çat vasitəsilə icraçıya suallar ünvanlaya bilər.
2.1.12. Onlayn-kurs (bundan sonra - kurs) — məsafədən onlayn tədris kursu olub, proqram təminatı vasitəsilə onlayn təhsil formatında təqdim olunan, eyni mövzu ətrafında birləşdirilmiş bir və ya bir neçə praktiki məşğələnin cəmindən ibarətdir. Bu məşğələlər təlimatlar, videolar, fotolar, tədris video-dərsləri, metodiki materiallar və tapşırıqlar şəklində təşkil olunur.
2.1.13. Kontent və materiallar — icraçının intellektual mülkiyyət obyektlərini təşkil edən mətnlər, təsvirlər, rəsmlər, fotolar, qrafiklər, videolar, proqramlar və səslərdən ibarət olub, saytın və/və ya kursun tərkibini təşkil edir və ya saytda və ya platformanın məhdud girişli bölməsində yerləşdirilir. Həmçinin, sifarişçilərə elektron poçt vasitəsilə göndərilən informasiya materiallarının toplusunu da əhatə edir.
2.1.14. Rəy — xidmətlərin göstərilməsi prosesində, sifarişçinin praktik təcrübə qazanmasına yönəlmiş yerinə yetirilmiş ev tapşırıqlarına dair icraçı tərəfindən sifarişçiyə verilən rəy. Yalnız müəyyən edilmiş tarifin şərtlərinə uyğun olaraq təqdim edilir. Rəy, platformanın funksionallığı və ya dəstək çatı vasitəsilə təqdim olunur.
2.1.15. Şəxsi məlumatlar — sifarişçiyə (şəxsi məlumatların subyektinə) birbaşa və ya dolayısı ilə aid edilən istənilən məlumatdır; bu məlumatlar sifarişçi tərəfindən saytda formaların doldurulması və xidmətlərin ödənişi zamanı könüllü olaraq təqdim edilir. Məlumatlar icraçının məlumat bazasında saxlanılır və üçüncü şəxslərin icazəsiz müdaxilələrindən etibarlı şəkildə qoruyan xidmətlər və proqramlar vasitəsilə mühafizə olunur.
2.2. Bu Təklifdə qeyd edilməyən hər hansı terminlərdən istifadə edildiyi halda, onlar qüvvədə olan qanunvericiliyə və internet mühitində formalaşmış işgüzar dövriyyə adətlərinə uyğun olaraq tətbiq edilir və şərh olunur.
MÜQAVİLƏNİN PREDMETİ
3.1. Hazırkı Təklifin predmeti sifarişçiyə ödənişli əsaslarla tədris xarakterli xidmətlərin göstərilməsindən ibarətdir, xüsusilə:
3.1.1. Sifarişçinin seçdiyi və ödənişini etdiyi tarif əsasında, seçilmiş və ödənişi edilmiş məhsula (xidmətə) girişin ödənişli əsaslarla təqdim edilməsi.
3.1.2. Vebinarların, müvafiq tarifdə nəzərdə tutulmuş müddətdə və həcmdə keçirilməsi.
3.1.3. Seçilmiş və ödənişi edilmiş tarifdə göstərilən qaydada və müddətdə rəy təqdim edilməsi.
3.1.4. Saytda yerləşdirilmiş təlim xidmətlərinin göstərilməsi.
3.2. Məhsulların siyahısı, onların dəyəri və məzmunu icraçının saytında həmin məhsulun satışına dair müvafiq səhifədə dərc edilir.
3.3. Bu Müqavilə üzrə xidmətlər sifarişçiyə yalnız məlumatın təqdim edilməsi, icraçı tərəfindən ötürülmüş biliklərin və materialların mənimsənilməsinə yönəlmişdir.
3.4. Müqavilə üzrə xidmətlər icraçının özü və/və ya onun cəlb etdiyi üçüncü şəxslər (kuratorlar) vasitəsilə, icraçının seçiminə uyğun olaraq təqdim edilə bilər.
TƏRƏFLƏRİN HÜQUQ VƏ ÖHDƏLİKLƏRİ
4.1. İcraçının öhdəlikləri:
4.1.1. Xidmətlərin dəyərinin tam məbləği İcraçının hesabına daxil olduqdan sonra sifarişçiyə təqdim etmək:
4.1.1.1. Sifarişçinin seçdiyi və ödənişini etdiyi tarif çərçivəsində, icraçının platformasında yerləşdirilmiş müvafiq məhsulun materiallarına giriş imkanı, tarifdə göstərilən müddət və şərtlər əsasında;
4.1.1.2. Seçilmiş və ödənişi edilmiş tarifin şərtlərinə uyğun olaraq sifarişçiyə məhsul üzrə rəy təqdim edilməsi.
4.1.2. Xidmətlərin satış saytında xidmətlərin aktual dəyərini göstərmək.
4.1.3. Göstərilən xidmətlərin keyfiyyətinin pozulmasının qarşısını almaq və bu cür pozuntuları tənzimləmək üçün vaxtında zəruri tədbirlər görmək.
4.1.4. Mübahisəli vəziyyətlər yarandıqda, sifarişçinin icraçının dəstək xidmətinə müraciəti əsasında yazışma yolu ilə bu vəziyyətləri həll etmək.
4.1.5. Qüvvədə olan qanunvericilikdə birbaşa nəzərdə tutulmuş hallar istisna olmaqla, sifarişçinin şəxsi məlumatlarını ifşa etməmək və bu məlumatlara üçüncü şəxslərin çıxışını verməmək.
4.1.6. Sifarişçinin şəxsi məlumatlarının emalı, ötürülməsi və qorunması ilə bağlı qanunvericiliyin tələblərinə riayət etmək. Şəxsi məlumatların məxfiliyini pozma hesab edilmir: icraçı öz öhdəliklərini icra etmək üçün agentlər, müqavilə tərəfləri və üçüncü şəxslərə (İcraçı ilə bağlanmış müqavilə əsasında fəaliyyət göstərənlərə) müvafiq məlumatları təqdim etsin. Bundan əlavə, tarif çatlarında müştərilərin öz aralarında açıq şəkildə paylaşdığı hər hansı şəxsi məlumat və ya materiallara görə şirkətimiz heç bir məsuliyyət daşımır. Habelə, tarif paketlərində müştərilər arasında açıq formada keçirilən açıq sessiyalar\danışıqlar vaxtı qrupa açıq şəkildə sifarişçi tərəfindən birbaşa təqdim edilən məlumatlar qruplar arasında paylaşıla bilər və şəxsi məlumat xarakteri daşımır.
4.1.7. Müqavilə müddəti ərzində sifarişçiyə texniki və informasiya dəstəyi göstərmək;
4.1.8. Saytın və platformanın dayanıqlı fəaliyyətini təmin etmək, onları tədricən təkmilləşdirmək və işində yaranan səhvləri aradan qaldırmaq üçün bütün ağlabatan səyləri göstərmək; bununla yanaşı, sayt və platforma “olduğu kimi” prinsipi əsasında təqdim edilir.
4.2. İcraçının hüquqları:
4.2.1. Xidmətləri göstərmə üsullarını və metodlarını sifarişçi ilə əvvəlcədən razılaşdırmadan müstəqil şəkildə müəyyən etmək.
4.2.2. Sifarişçidən, hazırkı Təklifin şərtlərinə uyğun olaraq, xidmətlərin dəyərini vaxtında və tam ödəniş etməyi tələb etmək.
4.2.3. Seçilmiş tarifin şərtləri barədə əvvəlcədən sifarişçiyə bildiriş göndərməklə, məhsulların proqramını, məzmununu və müddətini birtərəfli qaydada dəyişmək. Sifarişçiyə bildirişin çatdırılmaması icraçının təqsiri olmadan baş verdikdə (abunəçinin əlçatmaz olması, mobil operatorun işində nasazlıq və s.), icraçı bununla bağlı yaranan hər hansı mənfi nəticələrə görə məsuliyyət daşımır.
4.2.4. Tarifin şərtləri əsasında sifarişçinin xidmətlərə girişini məhdudlaşdırmaq.
4.2.5. Qeydiyyat formasını doldurarkən sifarişçidən əldə edilmiş elektron poçt ünvanı və əlaqə telefon nömrəsi daxil olmaqla məlumatlardan istifadə edərək, sifarişçiyə informasiya ötürmək.
4.2.6. Əgər obyektiv səbəblərdən (qəza, elektrik təchizatında nasazlıq, kurs/proqramın bağlanması və s.) xidmətlərin göstərilməsi mümkün deyilsə, sifarişçiyə ödənilmiş məbləğin qaytarılması və ya əvəzetmə/alternativ təklif edilməklə, bu təklifi birtərəfli qaydada ləğv etmək.
4.2.7. Sifarişçiyə reklam və məlumat xarakterli mesajlar göndərmək. Sifarişçi icraçıdan bildiriş almaq istəmirsə, göndərilən hər bir məktubda olan xüsusi keçid vasitəsilə ondan imtina edə bilər.
4.2.8. Hər hansı səbəb göstərmədən, birtərəfli qaydada xidmətlərin göstərilməsindən imtina etmək və ya onları dayandırmaq, eləcə də hazırkı Təklifin şərtlərini pozan sifarişçinin sayta girişini məhdudlaşdırmaq, o cümlədən:
4.2.8.1. Müəlliflik hüquqlarının qüvvədə olan qanunvericiliyinə zidd şəkildə pozulması.
4.2.8.2. Sifarişçi tərəfindən hazırkı Müqavilənin 4.3.5–4.3.8-ci bəndlərinin tələblərinin pozulması;
4.2.8.3. Xidmətlərin əldə edilməsi prosesində davranış qaydalarının pozulması, yəni reklam yerləşdirilməsi, qeyri-senzur ifadələrin işlədilməsi, kobudluq, icraçıya və/və ya onun səlahiyyətli şəxslərinə etimadsızlıq çağırışları və ya təhqir edilməsi;
Yuxarıda sadalanan hərəkətlər sifarişçinin Müqavilə şərtlərini əhəmiyyətli dərəcədə pozması hesab edilir.
4.2.9. Bu Müqavilənin şərtlərinin sifarişçi tərəfindən əhəmiyyətli dərəcədə pozulması səbəbindən icraçı Müqavilənin icrasından imtina etdikdə, ödənilmiş vəsait geri qaytarılmır, çünki sifarişçinin ödəmiş olduğu məbləğ, xidmətlərin göstərilməsinin təşkili ilə bağlı icraçının faktiki xərclərini və eyni zamanda Müqavilə şərtlərini əhəmiyyətli dərəcədə pozduğuna görə sifarişçiyə tətbiq edilən cərimə məbləğini ehtiva edir. Müqavilə, icraçı tərəfindən elektron poçt vasitəsilə sifarişçiyə göndərilən bildiriş və məhsulun materiallarına girişin bağlandığı andan etibarən ləğv edilmiş hesab olunur.
4.2.10. Öz mülahizəsinə əsasən, istənilən vaxt saytdan və platformadan istifadə qaydalarını dəyişmək, habelə saytın və platformanın məzmununu, funksionallığını və istifadəçi interfeysini dəyişmək və ya yeniləmək. Dəyişikliklər, Müqavilənin yeni redaksiyası saytda dərc edildiyi andan qüvvəyə minir.
4.2.11. Sayt və platforma üzrə planlı profilaktik və təmir işləri aparmaq üçün, həmçinin qəza hallarının aradan qaldırılması ilə bağlı zəruri olan fövqəladə işlər görmək məqsədilə saytın və platformanın fəaliyyətini müvəqqəti dayandırmaq.
4.2.12. İnformasiya-nəqliyyat kanallarından istifadə mümkünsüz olduğu hallarda (hansı ki, icraçının öz resurslarına daxil deyil), üçüncü şəxslərin fəaliyyəti və/və ya hərəkətsizliyi səbəbindən (o cümlədən qəza hallarındakı məhdudiyyətlər nəticəsində) saytın və platformanın fəaliyyətini dayandırmaq. Bu halda, icraçı sifarişçi qarşısında hər hansı məsuliyyət daşımır və sifarişçiyə dəyən itkiləri və/və ya itirilmiş mənfəəti (o cümlədən sifarişçi və/və ya üçüncü şəxslər tərəfindən şəxsi məlumatların ifşa olunması, itirilməsi və ya oğurlanması ilə əlaqədar yaranan zərərlər, eləcə də yuxarıda qeyd edilən səbəblərdən saytdan tam istifadə edə bilməməklə bağlı sifarişçinin çəkə biləcəyi və ya çəkdiyi xərclər) kompensasiya etmir.
4.2.13. Saytda sifarişçiyə reklam materialları göstərmək.
4.2.14. Xidmətlərin təqdim edilməsi prosesində sifarişçi tərəfindən yaradılmış istənilən materialları və rəyləri sifarişçiyə hər hansı məhdudiyyət və ya kompensasiya olmadan dərc etmək (ictimaiyyətə açıqlamaq).
4.3. Sifarişçinin öhdəlikləri:
4.3.1. Müqavilənin qəbulundan əvvəl, saytda xidmətlər, məhsul, tariflər və xidmətlərin təqdim edilməsi şərtləri barədə məlumatı diqqətlə öyrənmək.
4.3.2. Ödənişi həyata keçirdiyi anda qüvvədə olan tariflərə uyğun olaraq icraçının xidmətlərinin dəyərini ödəmək.
4.3.3. Qeydiyyat formasını doldurmaqla razılaşmaq ki, sifarişçinin təqdim etdiyi bütün məlumatlar dəqiq, həqiqi, aktual və tamdır. Verilən məlumatların aktuallığını qorumaq, icraçının tələbi əsasında əlavə zəruri materialları və məlumatları təqdim etmək.
4.3.4. Öz şəxsi məlumatlarını təqdim etmək və icraçıya həmin məlumatların avtomatlaşdırılmış və avtomatlaşdırılmamış qaydada emalına — yığılması, sistemləşdirilməsi, toplanması, saxlanması, dəqiqləşdirilməsi və silinməsi üçün razılıq vermək. Bu emal icraçının materiallarını göndərməsi məqsədilə həyata keçirilir.
4.3.5. Kommersiya və ya qeyri-kommersiya məqsədləri ilə İcraçı tərəfindən sifarişçiyə təqdim edilən informasiya və materialları (nəşr etməmək, internet saytlarında yerləşdirməmək, kopyalamamaq, üçüncü şəxslərə ötürməmək və yenidən satmamaq) yaymamaq və ya yazılı formada çoxaltmamaq; bu məlumatlar əsasında kommersiya mənfəəti götürmək üçün yeni informasiya məhsulları yaratmamaq, habelə ondan şəxsi istifadədən kənar hər hansı başqa məqsədlərlə yararlanmamaq.
4.3.6. Bu Müqavilə üzrə öz hüquqlarını icraçının yazılı razılığı olmadan hər hansı üçüncü şəxsə verməmək.
4.3.7. Sayt və icraçının platformasında yerləşdirilmiş materiallardan yalnız bu Müqavilənin verdiyi səlahiyyətlər çərçivəsində və ya həmin resursların təyinatına uyğun funksionallıqda istifadə etmək.
4.3.8. Öz hərəkətləri ilə icraçının işgüzar reputasiyasına xələl gətirməmək.
4.3.9. Əlaqə məlumatlarında və digər vacib məlumatlarda dəyişiklik olduğu halda, bu barədə icraçını dərhal mövcud üsullarla məlumatlandırmaq.
4.3.10. Saytda tariflərin, hazırkı təklifin və ya bağlanmış xidmətlər göstərilməsi müqaviləsinin şərtlərindəki dəyişikliklərlə əlaqədar məlumatları müstəqil və vaxtında izləmək.
4.3.11. Elektron poçt ünvanının və/və ya əlaqə telefon nömrəsinin normal fəaliyyətdə və əlçatan olmasını təmin etmək (telefon nömrəsinin balansını vaxtında artırmaq, mobil cihazın zəng qəbul edə biləcəyini yoxlamaq və s.). Əgər telefon nömrəsinin və/və ya elektron poçt ünvanının işlək vəziyyətə qaytarılması və əlçatan olması mümkün deyilsə, bu barədə icraçını dərhal məlumatlandırmaq.
4.3.12. Tərəflərin öz öhdəliklərinin icrasına təsir edə biləcək bütün hallarla bağlı icraçıya dərhal məlumat vermək.
4.4. Sifarişçinin hüquqları:
4.4.1. Seçilmiş və ödənişi edilmiş tarifin həcmi çərçivəsində xidmətlərdən istifadə etmək;
4.4.2. Sayt və platformada texniki problemlər yaranacağı, habelə icazəsiz reklam göndərişləri (spam) və ya hədə/virus şübhəli məlumatlar alacağı halda, xidmətlərin göstərilməsi ilə bağlı bütün məsələlərlə əlaqədar icraçıya müraciət etmək.
4.4.3. İcraçıdan xidmətlərin tam şəkildə təqdim olunmasını tələb etmək.
4.4.4. İcraçının təklif etdiyi məsləhət və tövsiyələrdən istifadə edib-etməməyi müstəqil şəkildə qərarlaşdırmaq.
XİDMƏTLƏRİN QİYMƏTİ VƏ ÖDƏNİŞ QAYDASI
5.1. İcraçı tərəfindən göstərilən xidmətlərin qiyməti, ödəniş tarixinə uyğun olaraq sifarişçinin seçdiyi məhsul və ödənişini etdiyi Tarif əsasında müəyyən edilir. Bu barədə məlumat icraçının saytındakı müvafiq bölmədə yerləşdirilir.
5.2. Hazırkı təklif üzrə xidmətlərin ödənişi sifarişçinin seçiminə uyğun olaraq həyata keçirilir:
5.3. Seçilmiş tarif üzrə xidmətlərin dəyərinin 100% məbləğində öncədən ödəniş edilməsi yolu ilə (Visa, MasterCard, Maestro sistemləri vasitəsilə ,bank kartı ilə).
5.4. İcraçının partnyor bankı tərəfindən sifarişçiyə təqdim edilən hissə-hissə ödəniş vasitəsilə. Hissə-hissə ödəniş bank-partnyorun müəyyən etdiyi şərtlər əsasında təqdim edilir. İcraçı, hissə-hissə ödəniş şərtlərinə, habelə bank-partnyorun sifarişçiyə hissə-hissə ödənişdən imtina etməsinə görə məsuliyyət daşımır. Müqavilə hər hansı əsasla ləğv olunduqda, sifarişçi ödənilmiş vəsaitin geri qaytarılmasını bank-partnyorla müstəqil şəkildə tənzimləyir. Bank-partnyor və sifarişçi arasında hissə-hissə ödənişlə bağlı mübahisələrin həllinə görə icraçı məsuliyyət daşımır.
5.5. Ödəniş tarixi kimi vəsaitin icraçının hesabına daxil olduğu gün qəbul edilir.
5.6. Sifarişçi, ödənişin həyata keçirilmə qaydası və üsulları, o cümlədən mətn mesajlarının (SMS) yazılış formatı, nömrəsi, durğu işarələrinin sırası, böyük və kiçik hərflərin, rəqəmlərin və dillə bağlı tələblərə dair ödəniş təlimatlarına əməl etməyi öhdəsinə götürür. İcraçı, sifarişçinin ödənişi düzgün icra etməməsinə (İcraçının nəzarəti xaricində olan hallar) görə məsuliyyət daşımır.
5.7. İcraçı, ödəniş operatorlarının hərəkətlərinə görə, o cümlədən operatorların ödənişləri qəbul etməkdən imtina etməsi, ödənişin icraçının xeyrinə köçürülməsində gecikmə və digər oxşar hallara görə məsuliyyət daşımır.
5.8. İcraçı, öz xidmətlərinin dəyərini istənilən vaxt dəyişdirmək hüququnu özündə saxlayır. Bu barədə dəyişikliklər saytda dərc olunur. Bununla belə, sifarişçinin artıq ödəmiş olduğu xidmətlərin dəyəri dəyişdirilmir və nə artırılma, nə də azaldılma istiqamətində yenidən hesablanmaya məruz qalmır.
5.9. İcraçı, xüsusi qiymətlər (endirimlər) tətbiq etməklə aksiyalar keçirməyə haqqı var. Təklifin şərtlərini endirimlər tətbiq edilməzdən əvvəl qəbul etmiş sifarişçi, Müqavilənin şərtlərinin dəyişdirilməsini və ödəniş etdiyi məbləğlə xüsusi təklifin qiyməti arasındakı fərqin qaytarılmasını tələb edə bilməz.
XİDMƏTLƏRİN GÖSTƏRİLMƏ QAYDASI
6.1. İcraçının xidmətlərindən yararlanmaq üçün sifarişçi, əvvəlcə icraçının təqdim etdiyi xidmətlər və onlara girişi təmin etmə şərtləri barədə məlumatla müstəqil şəkildə tanış olur.
6.2. Xidmət seçmək üçün sifarişçi, müvafiq düyməni sıxmaqla məhsulu (xidməti) seçir, bundan sonra o, avtomatik olaraq qeydiyyat formasına yönləndirilir. Qeydiyyat formasında, sifarişçi saytın tələb etdiyi müvafiq sahələrdə ad və soyad, əlaqə telefon nömrəsi, elektron poçt ünvanı, üstünlük verdiyi əlaqə üsulu (e-poçt, zəng, mesencerlərdə yazışma) barədə məlumatları təqdim edir.
6.3. Sifarişçi xidmətlərin ödənişini qeydiyyat formasında “Ödəniş et” düyməsini sıxmaqla həyata keçirir.
6.4. Ödəniş məbləği icraçının hesabına köçürüldükdən sonra 24 saat ərzində, qeydiyyat formasında göstərilmiş elektron poçt ünvanına sifarişçiyə, platformadakı şəxsi kabinetə giriş haqqında məlumat göndərilir.
6.5. Əgər məktub sifarişçinin elektron poçtuna çatmayıbsa, o, icraçının texniki dəstək ünvanına yazmaqla bunu bildirməlidir.
6.6. Ödəniş sifarişçinin hesabından silindikdən sonra icraçı, sifarişçinin qeydiyyat formasında göstərdiyi elektron poçt ünvanına, sifarişin təsdiqi və xidmətə giriş barədə məlumat göndərir.
6.7. Sifarişçinin ödəniş edərək platformada xidmətlərə giriş əldə etməsindən sonra, icraçı həmin seçilmiş və ödənilmiş tarifə uyğun olaraq xidmətləri göstərir.
XİDMƏTLƏRİN QƏBUL QAYDASI. VƏSAİTLƏRİN GERİ QAYTARILMASI
7.1. Xidmətlərin göstərilməsi zamanı “görülmüş işlər barədə akt” tərtib edilmir və imzalanmır.
7.2. Onlayn-kurslar formatında olan məhsullar üçün xidmətlər, sifarişçiyə məhsul materiallarına giriş təqdim edildiyi andan, lazımi keyfiyyətdə və vaxtında göstərilmiş, həmçinin sifarişçi tərəfindən qəbul olunmuş hesab edilir. Əgər məhsula giriş təqdim edildiyi anda sifarişçi, göstərilən xidmətlərin keyfiyyəti və həcmi ilə bağlı əsaslandırılmış etirazını (iradını) yazılı şəkildə və ya icraçının elektron poçt ünvanına göndərməklə bildirmirsə, xidmətlər icraçı tərəfindən qəbul edilmiş sayılır. Bu müddət başa çatdıqdan sonra xidmətlərin çatışmazlıqları (o cümlədən miqdar/həcm, dəyər və keyfiyyətlə bağlı) barədə sifarişçinin tələblərinə baxılmır. Göstərilən xidmətlərin nəticəsi — məhsul materiallarına girişin təmin edilməsidir. Sifarişçi icraçıdan asılı olmayan səbəblərə görə (məhsul materiallarına girməməsi, mətn materialını oxumaması, video-dərslərə baxmaması, tapşırıqları yerinə yetirməməsi və s.) girişdən istifadə etmirsə, xidmətlər lazımi qaydada göstərilmiş hesab edilir və ödənilmiş məbləğ geri qaytarılmır.
7.3. Vebinar formatında olan xidmətlər, sifarişçiyə vebinara giriş təqdim edildiyi andan, lazımi keyfiyyətdə və vaxtında göstərilmiş, həmçinin sifarişçi tərəfindən qəbul olunmuş hesab edilir. Əgər vebinara giriş təqdim edildiyi anda sifarişçi, göstərilən xidmətlərin keyfiyyəti və həcmi ilə bağlı əsaslandırılmış etirazını (iradını) yazılı şəkildə və ya icraçının elektron poçt ünvanına göndərməklə bildirmirsə, xidmətlər icraçı tərəfindən qəbul edilmiş sayılır. Vebinar başa çatdıqdan sonra xidmətlərin çatışmazlıqları (o cümlədən miqdar/həcm, dəyər və keyfiyyətlə bağlı) barədə sifarişçinin tələblərinə baxılmır. Göstərilən xidmətlərin nəticəsi — vebinara girişin təmin edilməsidir. Sifarişçi icraçıdan asılı olmayan səbəblərə görə (vebinara qoşulmamaq və s.) girişdən istifadə etmirsə, xidmətlər lazımi qaydada göstərilmiş sayılır və ödənilmiş məbləğ geri qaytarılmır.
7.4. Xidmətlərin göstərilməsinə başlanılmadan əvvəl, sifarişçidən daxil olmuş vəsaitin 100%-i (pul köçürmə komissiyası çıxılmaqla) geri qaytarıla bilər.
7.5. Digər hallarda, ödənilmiş vəsaitdən pul köçürmə komissiyası və proqram çərçivəsində sifarişçiyə artıq verilmiş materialların/dərslərin dəyəri çıxılmaqla geri qaytarma həyata keçirilir.
7.6. Geri qaytarılmalı məbləğ aşağıdakı qaydada hesablanır: Z = X – Y × N2
Z – geri qaytarılacaq məbləğ;
X – məhsulun ümumi dəyəri;
Y – bir onlayn-dərsin dəyəri;
N2 - sifarişçinin artıq əldə etdiyi onlayn dərslərin sayı.
7.7. Əgər dərs paketi endirimlə alınıbsa, geri qaytarma zamanı dərslərin baza dəyəri (endirimsiz qiyməti) əsas götürülmür.
7.8. Bütün ödənişlər, sifarişçi tərəfindən imzalanmış və vəsaitlərin geri qaytarılmasını xahiş edən ərizənin icraçıya göndərilməsi şərtilə qaytarılır. Ərizə skan edilmiş formada icraçının elektron poçt ünvanına göndərilməlidir.
7.9. Geri qaytarma və ya ondan imtina barədə qərar, icraçı tərəfindən ərizə daxil olduğu andan etibarən 7 (yeddi) təqvim günü ərzində qəbul edilir.
7.10. Geri qaytarılmalı məbləğ, geri qaytarma barədə qərar qəbul edildikdən sonra 10 (on) təqvim günü ərzində, Sifarişçinin ərizədə göstərdiyi bank hesabına köçürülmə yolu ilə sifarişçiyə qaytarılır.
7.11. Sifarişçi, ödənişi həyata keçirdiyi şəxsi hesabının rekvizitlərini icraçıya təqdim etməlidir. Sifarişçi razılaşır ki, ödəniş servisləri, aqreqatorlar və/və ya ödəniş provayderləri həmin vəsaitlərin köçürülməsi üçün ondan komissiya tuta bilər.
7.12. İcraçı, üçüncü şəxslərin hesablarına və ya elektron pulqabılarına ödənişlərin geri qaytarılmasını həyata keçirmir (tərəflər arasında əlavə razılaşma olmadığı hallarda).
7.13. Sifarişçinin vəsaitlərin geri qaytarılması barədə ərizəsinin təmin edilməsi halında, icraçı 1 (bir) iş günü ərzində sifarişçinin kontentə girişini dayandırır və xidmətlərin göstərilməsini ləğv edir (geri qaytarma barədə qərarın verildiyi tarixdən hesablanmaqla).
TƏRƏFLƏRİN MƏSULİYYƏTİ
8.1. Bu Müqavilədə nəzərdə tutulmuş şərtlər yerinə yetirilmədikdə, qüvvədə olan qanunvericiliyin tələblərinə uyğun olaraq məsuliyyət daşıyırlar.
8.2. Aşağıda qeyd olunan, icraçıdan asılı olmayan səbəblər üzündən sifarişçiyə xidmətlərin göstərilməsinin mümkünsüzlüyünə görə icraçı məsuliyyət daşımır:
8.2.1. sifarişçi tərəfindən internet əlaqəsinin pozulması və ya ümumiyyətlə olmaması;
8.2.2. sifarişçinin saytdan istifadə üçün zəruri texniki vasitələrə malik olmaması səbəbindən saytın lazımi səviyyədə işləməməsi;
8.2.3. ödəniş əməliyyatlarının icrası zamanı gecikmələr və ya nasazlıqlar;
8.2.4. telekommunikasiya, kompüter, elektrik və digər əlaqəli sistemlərdə yaranan hər hansı nasazlıqlar.
Bu hallarda xidmətlər lazımi qaydada göstərilmiş hesab edilir və tam həcmdə ödənilməlidir.
8.3. İcraçı, təqdim edilmiş xidmətlərin sifarişçinin əsassız gözləntilərinə və subyektiv qiymətləndirməsinə uyğun olmamasına görə məsuliyyət daşımır. Sifarişçinin icraçının fikri, məhsulun (kursun) proqramı və ya vebinarla razılaşmaması, xidmətlərin keyfiyyəti və həcmi barədə şikayət üçün əsas hesab edilmir.
8.4. Bu müqavilə çərçivəsində icraçı tərəfindən verilən heç bir məlumat, material və/və ya məsləhətlər zımanət kimi qəbul edilə bilməz. İcraçı tərəfindən təqdim edilən bütün məlumatlar əsasında qərar qəbul edilməsi yalnız sifarişçinin müstəsna səlahiyyət dairəsinə aiddir.
8.5. İcraçı, sifarişçinin əldə etdiyi məlumatlardan, materiallardan və/və ya məsləhətlərdən istifadənin müvəffəqiyyət dərəcəsinə, sifarişçinin gözləntilərindən aşağı nəticə əldə etməsinə və ya heç nəticə əldə etməməsinə görə məsuliyyət daşımır, çünki sifarişçinin əldə etdiyi bilik və materialların mənimsənilməsi və tətbiqi prosesində uğur əldə edib-etməməsi, icraçıya məlum olan və olmayan çoxsaylı amillərdən, o cümlədən sifarişçinin məqsədyönlülüyü, zəhmətkeşliyi, inadkarlığı, intellektual səviyyəsi, yeni bilik və materialları necə və hansı sürətlə mənimsəməsindən, onun fərdi keyfiyyətlərindən və şəxsi xüsusiyyətlərindən asılıdır.
8.6. İcraçı, kursdan və dərslərdən yanlış istifadə nəticəsində sifarişçinin reputasiyasına və ya maliyyə vəziyyətinə dəyə biləcək risklərə görə məsuliyyət daşımır. Xidmətlərin göstərilməsi zamanı sifarişçiyə təqdim edilən materiallardan istifadə edərkən, sifarişçi razılaşır ki, əldə etdiyi (və ya əldə edə bilmədiyi) nəticəyə görə icraçı məsuliyyət daşımır.
8.7. Bu təklif-müqavilə üzrə icraçının ümumi məsuliyyəti, istənilən iddia və ya şikayət üzrə, sifarişçinin ödəniş etdiyi xidmətlərin dəyəri ilə (icraçının çəkdiyi xərclər çıxılmaqla) məhdudlaşır. Bu zaman yalnız real zərər tutula bilər, itirilmiş mənfəət isə tutula bilməz.
8.8. İcraçının müəlliflik hüquqlarının pozulmasına görə cinayət və mülki məsuliyyət nəzərdə tutulmuşdur. Hər hansı pozuntu icraçı tərəfindən məhkəmə qaydasında təqib edilir.
8.9. Sifarişçinin günahı ucbatından üçüncü şəxslərin məhsulun və ya vebinarın materiallarına çıxış əldə etdiyi aşkar edilərsə, icraçının sifarişçinin elektron poçt ünvanına göndərəcəyi tələbə əsasən, sifarişçi 5000 AZN məbləğində cərimə ödəməlidir. Cərimənin məbləği icraçının hüquq və qanuni mənafelərinə vurula biləcək (və ya vurulmuş) zərərin dərəcəsi ilə əlaqədardır və bu zərər, sifarişçi tərəfindən ödənilən xidmətlərin dəyərini dəfələrlə üstələyə bilər.
8.10. İcraçı, sifarişçinin günahını müəyyən etmək üçün hüquq-mühafizə orqanlarına müraciət edərək, sifarişçinin (kompüterinin) IP ünvanını aydınlaşdırmağa haqqı çatır.
8.11. İcraçının cərimə tətbiqi barədə tələbini sifarişçi könüllü, məhkəməyəqədərki qaydada, dərhal təmin etməlidir. Əgər sifarişçi bu tələbdən imtina edərsə və ya onu icra etməzsə, icraçı məhkəməyə müraciət edərək pozulmuş hüququnun müdafiəsini tələb edə bilər və bu zaman məhkəməyəqədərki iddia qaydasına riayət edilməsinə ehtiyac qalmır.
ƏQLİ MÜLKİYYƏT
9.1. Saytda yerləşdirilmiş və sifarişçiyə təqdim edilən kontent və materiallar üzərində bütün istisna hüquqlar icraçıya məxsus olan intellektual mülkiyyət obyektləridir. Bu obyektlərə mətnlər, təsvirlər, rəsmlər, fotolar, qrafiklər, videolar, proqramlar, səslər, istifadəçi interfeysləri, loqotiplər, ticarət nişanları, kompüter kodları və s. daxildir; onlar saytın, məhsulların (kursların) məzmununu təşkil edir və/və ya saytda yerləşdirilib.
9.2. Saytdan istifadə etməklə, sifarişçi qəbul edir və razılaşır ki, icraçının kontenti və materialları saxlanılan bütün sayt məzmunu, eləcə də həmin məzmunun strukturu müəlliflik hüququ, ticarət nişanı hüququ və digər intellektual mülkiyyət hüquqları ilə qorunur. Həmin hüquqlar hazırda mövcud olan və ya gələcəkdə yaradılacaq bütün formalar, daşıyıcılar və texnologiyalar üçün qüvvədədir və qorunur. Saytın, orada saxlanılan kontent və materialların (o cümlədən audiovizual əsərlər, mətn və qrafik materiallar, kompüter proqramları, ticarət nişanları) hər hansı hissəsinə dair hər hansı hüquq sifarişçiyə bu Müqavilənin bağlanması nəticəsində keçmir.
9.3. E-poçt göndərişləri çərçivəsində alınan məktubların mətnləri, ticarət nişanları, loqotiplər, kommersiya adları, fərdiləşdirmənin digər üsulları, habelə saytda yerləşdirilən istənilən mətnlər, təsvirlər və digər müəlliflik hüququ obyektləri İcraçıya məxsusdur. Buna görə də, bu obyektlərdən icraçının razılığı olmadan istifadə qadağandır.
9.4. İcraçının yazılı icazəsi olmadan hər hansı dəyişiklik, kopyalama, yayma, yenidən dərcetmə, törəmə əsərlərin yaradılması, ötürmə, satış qadağandır.
9.5. Bu bölmənin şərtləri pozulduğu halda, icraçı sifarişçiyə 10000 azn məbləğində cərimənin ödənilməsi barədə tələb göndərmək hüququna malikdir.
9.6. İcraçının cərimə barədə tələbi könüllü, məhkəməyəqədərki qaydada, dərhal təmin olunmalıdır. Əks halda və ya sifarişçi bu tələbi icra etmədikdə, icraçı dərhal məhkəməyə müraciət edərək pozulmuş hüququnun müdafiəsini tələb edə bilər.
MÜQAVİLƏYƏ XİTAM VERİLMƏSİ
10.1. İcraçı, 4.2.8-ci bənddə göstərilən hallarda, hazırkı təklifin icrasından istənilən vaxt imtina edə bilər. Bu halda, məhsulun dəyərinin sifarişçiyə qaytarılması həyata keçirilmir və icraçı onu, Müqavilənin şərtlərinin lazımi qaydada icra edilməməsinə görə tətbiq olunan cərimə kimi özündə saxlayır. Müqavilə, icraçının sifarişçiyə elektron poçt vasitəsilə göndərdiyi bildiriş və məhsulun materiallarına girişin bağlandığı andan ləğv edilmiş hesab olunur.
10.2. Sifarişçi tərəfindən Müqavilənin ləğv olunması halında, bu Müqavilə üzrə hesablaşmalar Tərəflər arasında 7-ci bölmədə göstərilən qaydada həyata keçirilir. Müqavilə, sifarişçinin müqavilənin ləğvi barədə bildirişini icraçının aldığı andan ləğv edilmiş hesab olunur.
MÜQAVİLƏNİN MÜDDƏTİ
11.1. Bu Müqavilə sifarişçinin qəbul etdiyi andan qüvvəyə minir və sifarişçinin seçdiyi və ödənişini etdiyi tarif üzrə icraçı tərəfindən xidmətlərin təqdim edildiyi müddətin sonunadək etibarlıdır.
11.2. Məhkəmə tərəfindən bu müqavilənin hər hansı müddəasının etibarsız sayılması, onun qalan müddəalarının etibarsızlığına səbəb olmur.
11.3. Mübahisələrin məhkəmədən əvvəl həlli qaydası tərəflər üçün məcburidir. İddia məktubuna 10 (on) iş günü ərzində baxılır; bu müddət məktubun alıcıya çatdırıldığı gündən hesablanır. İddia icraçının elektron poçt ünvanına (asyarovshen5@gmail.com) göndərilə bilər.
11.4. Tərəflər arasında razılıq əldə edilmədiyi halda, mübahisə icraçının yerləşdiyi ünvandakı məhkəməyə (rayon (şəhər) məhkəməsinə) göndərilir.
12. İCRAÇININ REKVİZİTLƏRİ:
Bizz Academy Məhdud Məsuliyyətli Cəmiyyəti
Ünvan: AZ1116, BAKI ŞƏHƏRİ BİNƏQƏDİ RAYONU, BİNƏQƏDİ ŞTQ, SÜLEYMAN SANİ AXUNDOV, ev 11/35, m. 24
Telefon: +994 556633009
E-poçt: asyarustamli@gmail.com
Vergi ödəyicisinin eyniləşdirmə nömrəsi: 1007503181
Qeydiyyatdadır: Azərbaycan Respublikasının İqtisadiyyat Nazirliyi yanında Dövlət Vergi Xidməti
Direktor: Asya Rüstəmli